ბათუმის სამშობიაროში კოვიდინფიცირებული ორსული პაციენტების რიცხვმა 16-ს მიაღწია. როგორც კლინიკის დირექტორი ნუგზარ პაპავა „პრაიმტაიმთან“ საუბრისას აცხადებს, დაავადება უსიმპტომოდ მიმდინარეობს და მათი ჯანმრთელობის მდგომარეობა დამაკმაყოფილებელია.
„ამ ეტაპზე გვყავს 16 კოვიდინფიცირებული ფეხმძიმე ქალბატონი. დაგვემატა ოთხი. ყველას ჯანმრთელობის მდგომარეობა სტაბილურია. დაავადება უსიმპტომოდ მიმდინარეობს. არც ტემპერატურა და არც სხვა რაიმე სიმპტომი არ აღენიშნებათ. რა თქმა უნდა იმყოფებიან ექიმების მეთვალყურეობის ქვე“- განაცხადა ნუგზარ პაპავამ.
დღეს ასევე, 13 არასრულწლოვანს კორონავირუსი დაუდასტურდა, მათ შორის არის 9 თვის ბავშვი. ბათუმის ინფექციურ საავადმყოფოში ამ ეტაპზე 54 პაციენტი იმყოფება, მათ შორის 29 არასრულწლოვანია.
ცნობისთვის, დღეს საქართველოში კორონავირუსის 182 ახალი შემთხვევა დაფიქსირდა. გამოჯანმრთელებუილა 1435 ადამიანი.
ავტორი: ნაირა ქობულაძე
