„დროას” ლიდერის, ელენე ხოშტარიას ჯანმრთელობის მდგომარეობა სტაბილურია. ამის შესახებ ინფორმაციას “ნიუ ჰოსპიტალის” რეანიმატოლოგი ალექსანდრე მხარგრძელი ავრცელებს.
მისი თქმით, ელენე ხოშტარია ექიმების მეთვალყურეობის ქვეშ იმყოფება და მას ინტრავენური გადასხმები უკეთდება
“პაციენტის ზოგადი მდგომარეობა სტაბილურია. ანალიზებით დამაკმაყოფილებელი სიტუაციაა. ამჟამად იმყოფება ექიმების მეთვალყურეობის ქვეშ. დაეწყო ინტრავენური გადასხმები, ინტრავენური გადასხმების შემდეგ დაწყებულია სპეციალიზებული კვება მცირე ულუფებით და პროტოკოლის მიხედვით მოხდება კვების გაზრდა,” – აღნიშნა ალექსანდრე მხარგრძელმა.
ცნობისთვის, ელენე ხოშტარია ნიშნად 15 დღის განმავლობაში პარლამენტის შენობაში შიმშილობდა. პოლიტიკოსმა შიმშილობა მას შემდეგ შეწყვიტა, რაც მისი მოთხოვნა საქართველოს მესამე პრეზიდენტის მიხეილ სააკაშვილის საავადმყოფოში გადაყვანის შესახებ დაკმაყოფილდა.
ხოშტარია შიმშილობის შემდეგ სარეაბილიტაციო კურსს კლინიკა „ნიუ ჰოსპიტალში“ გადის.
ასევე დაგაინტერესებთ:
VIDEO – როგორია მამა პეტრეს დილის რუტინა
„მე მაქვს და მინდა დაგიბრუნო“ – სოცქსელში 5-ლარიანის პატრონს ეძებენ
ფოტოები – აბაშის რაიონში კამეჩმა უცნაური ცხოველი გააჩინა
