მსახიობ კახი კავსაძის ჯანმრთელობის მდგომარეობა კვლავ მძიმეა, – ამის შესახებ „პრაიმტაიმს“ პირველ საუნივერსიტეტო კლინიკაში განუცხადეს.
სამედიცინო დაწესებულებაში დამატებით კომენტარს არ აკეთებენ.
მანამდე, „პრაიმტაიმისთვის“ მიცემულ ინტერვიუში მსახიობის ძმა, იმერი კავსაძე ამბობდა, რომ კვირაზე მეტია, რაც მთელი ოჯახი კორონავირუსითაა ინფიცირებული. სწორედ, სუნთქვის უკმარისობით შეიყვანეს გუშინ საუნივერსიტეტო კლინიკაში საქართველოს სახალხო არტისტი.
