დაავადებათა კონტროლის ეროვნული ცენტრის დირექტორი ამირან გამყრელიძე უკვე მე-8 დღეა კოვიდინფიცირებულია.
მისი ჯანმრთელობის მდგომარეობა სტაბილურია და როგორც „პრაიმტაიმთან“ საუბრისას აცხადებს, კოვიდინფექციას მის შემთხვევაში რაიმე გართულება არ მოჰყოლია.
ქვეყნის მთავარი იმუნოლოგი მკურნალობას სახლში აგრძელებს.
„ინფიცირებიდან ჯერ მე-8 დღეა, ჯერ ისევ ინფიცირებული ვარ, სერიოზული გართულება არაფერი არ მაქვს. ვაკვირდებით და სახლში ვარ. დამატებით ვერაფერს გეტყვით, ეს ჩემი პერსონალური ინფორმაციაა“, – ამბობს ამირან გამყრელიძე.
