რუსეთმა განაცხადა, კორონავირუსით დაინფიცირებულების მკურნალობა აფხაზეთში ადგილზე უნდა მოხდეს, ეს იმას ნიშნავს – რომ არა საქართველო ეს ადამიანები განწირულები არიან, – ამის შესახებ აფხაზეთის უმაღლესი საბჭოს ტავმჯდომარემ ჯემალ გამახარიამ „ტვ პირველის“ ეთერში განაცხადა.
„ჩვენ ცალკეული პირები გვირეკავენ და გვაწვდიან ინფორმაციას. იმ ოფიციალურ ინფორმაციას, რაც იქ ვრცელდება ჩვენ ვავსებთ ამ წყაროების საშუალებით. ანუ ჩვენი ნაცნობი ადამიანები გვირეკავენ და გვეუბნებიან რეალურად რა ხდება იქ.
სიტუაცია არის ძალიან რთული, ჯერჯერობით თითქოს არ არის გამოვლენილი დაინფიცირებული ადამიანი. მე ვგულისხმობ გალს იქით, მაგრამ ბევრს ამის არ სჯერა.
ადგილობრივ ექიმებს და ცალკეულ სპეციალისტებს მიაჩნიათ, რომ კორონავირუსი არის აფხაზეთში, მაგრამ იქ არ არის საშუალება რომ გამოავლინონ.
რუსეთმა განაცხადა, რომ კორონავირუსით დაინფიცირებულების მკურნალობა აფხაზეთში ადგილზე უნდა მოხდეს, ეს იმას ნიშნავს – რომ არა საქართველო ეს ადამიანები განწირულები არიან“, – განაცხადა ჯემალ გამახარიამ.
- 1-ლი აპრილის მონაცემებით, ქვეყანაში კორონავირუსით 115 ადამიანია ინფიცირებული
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა
- შეზღუდვები შეეხო კაფე-ბარებსა და რესტორნებს
ასევე დაგაინტერესებთ:
