ტვირთის ნაწილი, რომელიც რუსეთმა აშშ-ში კორონავირუსთან საბრძოლველად გაგზავნა, ამერიკული სანქციების ქვეშ იყო. ამის შესახებ ინფორმაციას რუსული გამოცემა РБК ავრცელებს.
სამედიცინო ტექნიკის თვითმფრინავის ფოტო, რომელიც Ruptly-მ გაავრცელა ჩანს, რომ სხვა ნივთებთან ერთად არის ხელოვნური ვინტელაციის აპარატურა, რომელიც კომპანია „ავენა მ-“ დაამზადა. მას ურალის ქარხანა აწარმოებს, რომელიც შედის „რადიოელექტრონული ტექნოლოგიის“ (КРЭТ) კონცერში.
Among the supplies delivered by the An-124-100 are Aventa-M ventilators produced by the Ural Instrument Engineering Plant (UPZ). 9/https://t.co/BhVjLhFSOK pic.twitter.com/Hl9KGEP1IE
— Rob Lee (@RALee85) April 1, 2020
КРЭТ-ი 2014 წლიდან, ამერიკული სანქციების ქვეშაა, მას შემდეგ რაც რუსეთმა ყირიმის ოკუპაცია მოახდინა. ამგვარად, აშშ-ს უფლება არ ჰქონდა შეეძინა КРЭТ-ის პროდუქცია.
კონცერნის წარმომადგენლებმა გამოცემას განუცხადეს, რომ სავენტილაციო აპარატებს, მხოლოდ რუსეთს უკეთებენ, ხოლო „საერთაშორისო მასშტაბით დახმარების გაწევა ეს პრეზიდენტის პრეროგატივაა“.
რუსეთის სამხედრო თვითმფრინავი, რომელზეც სამედიცინო ტექნიკა იყო განთავსებული აშშ-ში 1-ელ აპრილს ჩაფრინდა. კრემლის პრესპიკერმა დიმიტრი პესკოვმა განაცხადა, რომ ეს „ჰუმანიტარული ხასიათის დახმარება იყო“.
დახმარებაზე ილაპარაკა პრეზიდენტმა დონალდ ტრამპმა, რომელმაც მადლობა გადაუხადა რუსეთს, თუმცა მოგვიანებით დადგინდა, რომ აშშ-მა რუსეთს ამ დახმარებისთვის თანხა გადაუხადა.
