რუსთავის მერის მოადგილეს სცემეს. გოჩა ლორიას ფიზიკური დაზიანებები ერთ-ერთმა მოქალაქემ მერიის შენობაში მიაყენა.
რუსთავის მერიაში არ აკონკრეტებენ რა გახდა დაპირისპირების მიზეზი მოქალაქესა და მერის მოადგილეს შორის.
„მერის ადმინისტრაციის შენობაში გარკვეულ ინციდენტს ჰქონდა ადგილი. გამოძახებულ იქნა საპატრულო პოლიცია. საქმე გადაცემულ იქნა სამართალდამცველი ორგანოებისთვის და მიმდინარეობს გამოძიება,” – განაცხადა რუსთავის მერიის ადმინისტრაციის წარმომადგენელმა.
როგორც „პრაიმტაიმს“ შინაგან საქმეთა სამინისტროში განუცხადეს, მომხდართან დაკავშირებით პოლიციამ ერთი პირი დააკავა და გამოიძიება სსსკ-ის 126-ე მუხლით დაიწყო, რაც ძალადობას გულისხმობს.
