რუსთავში საპატრულო პოლიციის წარმომადგენლებსა და 2 მოქალაქეს შორის ფიზიკური დაპირისპირება მოხდა.
როგორც „პრაიმტაიმს“ თვითმხილველი უყვება, რუსთავში ორი ახალგაზრდა მანქანით „დრიფტაობდა“, რა დროსაც პატრულმა მანქანის გაჩერება მოსთხოვა. დაუმორჩილებლობის გამო მათ პატრული აედევნა.
„როცა პატრულმა შეძლო და მანქანა გააჩერებინა, ამას მოჰყვა მანქანაში მყოფთა გაღიზიანება, არ ემორჩილებოდნენ პოლიციას. მძღოლი და თანმხლები პირი არაფხიზელ მდგომარეობაში იმყოფებოდნენ, მანქანის მინა ჩაამსხვრიეს. იმდენი ეკიპაჟი იყო ადგილზე, ვერც დავთვალე. ერთ-ერთი ამბობდა, სანამ ადვოკატი არ მეყოლება, ხმას არ ამოვიღებო“, – გვიყვება თვითმხილველი.
მისივე ინფორმაციით, ახალგაზრდები პოლიციის განყოფილებაში უკვე გადაიყვანეს.
