„მიხეილ სააკაშვილი ამ ეტაპზე ვერ იქნება ქართულ პოლიტიკაში იმ დოზით ჩართული, რა დოზითაც ეს ადრე ხდებოდა. მას აქვს უდიდესი პასუხისმგებლობა დაკისრებული უკრაინაში,
45-მილიონიან ქვეყანაში“ – ამის შესახებ „რუსთავი 2“-ის ეთერში „ნაციონალური მოძრაობის“ პოლიტსაბჭოს თავმჯდომარემ, ნიკა მელიამ, მესამე პრეზიდენტის, მიხეილ სააკაშვილის შესახებ ისაუბრა.
„ბუნებრივია, ქართული პოლიტიკიდან მთლიანად დისტანცირებული სააკაშვილი ვერ იქნება და არც უნდა იყოს,
მაგრამ ყოველდღიურ პოლიტიკაში არ მიიღებს მონაწილეობას. მე მაქვს მასთან კომუნიკაცია, მაგრამ არა ინტენსიური
ბოლოს 4 დღის წინ ვესაუბრე. ძირეული, ფუნდამენტური საკითხები პარტიამ დამფუძნებლის გარეშე არ უნდა განიხილოს,
მაგრამ სააკაშვილი უკრაინაში ახლა ქართველების საქმეს აკეთებს.
ეს ბედი მას ხვდა წილად, განგებამ უბოძა ეს შესაძლებლობა. მინდა მჯეროდეს, რომ ის ამ შესაძლებლობას გამოიყენებს“
