საქართველოს მესამე პრეზიდენტი მიხეილ სააკაშვილი კლინიკიდან მორიგ მიმართვას ავრცელებს. ის იმედოვნებს, რომ სალომე ზურაბიშვილი საზოგადოების ფართო წრეებს, ასევე, ყველაზე პატარა ჯგუფებსაც შეხვდება და მათ აზრს მოისმენს.
„მივესალმები გიორგი მარგველაშვილის მიერ დიალოგის მხარდაჭერას, მით უმეტეს, რომ სამმხრივი შეხვედრის იდეა მისგან მოდიოდა. ამის პარალელურად, რა თქმა უნდა, პრეზიდენტ ზურაბიშვილს შეუძლია შეხვდეს საზოგადოების ფართო წრეებს, მოისმინოს მათი აზრი. იმედია, ყველაზე პატარა ჯგუფებსაც კი შეხვდება და როგორც თვითონ ისაუბრა „ინკლუზიურ პროცესებზე“, ეს პრაქტიკულად განხორციელდება.
ამის პარალელურად, საზოგადოებამ უნდა მოახდინოს ინტენსიფიკაცია საპროტესტო აქტიურობის, რაც წარმოადგენს ინსტრუმენტს ჩართულობისთვის და ყველას დაფიქრებისთვის“, – ნათქვამია მიმართვაში.
