მიხეილ სააკაშვილის საქართველოში შემოყვანის საქმეზე დაკავებული მამა-შვილი ზურაბ და შალვა წოწორიები დუმილის უფლებას იყენებენ. ბრალდებულების ადვოკატის, გიორგი გოგინავას თქმით, საქმის მასალები მისთვის ჯერჯერობით არ გადაუციათ.
„ბრალდებულ მამა-შვილს ბრალდება საქართველოს სისხლის სამართლის კოდექსის 375-ე მუხლის მეორე ნაწილით წარედგინათ. ისინი დუმილის უფლებას იყენებენ.“- განაცხადა გიორგი გოგინავამ.
შეგახსენებთ, საქართველოს პროკურატურამ, მსჯავრდებულ მიხეილ სააკაშვილის საქმის გამოძიების ფარგლებში, დანაშაულის დაფარვის მუხლით ზურაბ და შალვა წოწორიებს ბრალდება უკვე წარუდგინა.
ბრალდებულების სასამართლო პროცესი თბილისის საქალაქო სასამართლოში 5 ოქტომბერს გაიმართება.
