მსახიობი მერაბ ნინიძე დღეს, 3 ნოემბერს, 55 წლის გახდა. მასთან ინტერვიუ “იმედის დღის” წამყანმა, მარიკა ბაკურაძემ ჩაწერა.
პანდემიის დროს მერაბ ნინიძეს მუშაობა უწევდა და ყველა რეგულაციის დაცვით მოგზაურობდა. ყველა ამ დეტალის შესახებ ის “იმედს” უყვება.
“ეს წელი არასდროს დამავიწყდება, ზუსტად ვიცი. ამდენი ხანი ის ხალხი, ვინც მილიარდებს იღებს იმაში, წინასწარ გათვალონ, რა ელის კაცობრიობას, უბრალოდ, ზის და გვეუბნება, ნიღბით იარეთ და თუ დაგაცემინათ, სახლში დარჩითო. მიცხოვრია ბევრ სისტემაში და საბჭოთა კავშირშიც კი არ კადრულობდნენ ასეთ სისულელეს“,- ამბობს ნინიძე.
