2021 წლის ერთიან ეროვნულ გამოცდებზე აბიტურიენტების არჩევანი საგნების მიხედვით ცნობილია – ამის შესახებ ინფორმაციას გამოცდების ეროვნული ცენტრი ავრცელებს.

როგორც უწყება აღნიშნავს, წელსაც სამი სავალდებული საგნის ჩაბარება იქნება აუცილებელი, გამონაკლისი მხოლოდ ჯანდაცვის საგანმანათლებლო პროგრამაა. დამატებითი საგნების ჩაბარება კი უშუალოდ უნივერსიტეტების გადაწყვეტიელბაზე არის დამოკიდებული, რადგან თითოეული საგანმანათლებლო დაწესებულება კონკრეტულ დამატებით საგანს თავად ირჩევს.

• ისტორია აირჩია 22 200 – მდე აბიტურიენტმა;
• მათემატიკა – 12 900 – მდე აბიტურიენტმა;
• ბიოლოგია – 3000 – მდე აბიტურიენტმა;
• გეოგრაფია – 700 – მდე აბიტურიენტმა;
• ზოგადი უნარები – 4 100 – ზე მეტმა აბიტურიენტმა;
• ლიტერატურა – 800 – ზე მეტმა აბიტურიენტმა;
• ქიმია – 2300 – მდე აბიტურიენტმა;
• ფიზიკა – 200 – მდე აბიტურიენტმა;
• სახვითი და გამოყენებითი ხელოვნება – 50 – ზე მეტმა აბიტურიენტმა.

ჩარიცხვების კონკურსში მონაწილეობის მისაღებად წელსაც სამი სავალდებულო საგნის (ქართული ენა და ლიტერატურა, უცხოური ენები, ისტორია ან მათემატიკა) წარმატებით ჩაბარებაა საჭირო. ჯანდაცვის საგანმანათლებლო პროგრამებზე ჩასაბარებლად სავალდებულოა ოთხი გამოცდა.

• „როგორ უნდოდა, ღმერთო, სიცოცხლე“ – გარდაიცვალა გიორგი იდოიძე, რომელსაც მთელი საქართველო გულშემატკივრობდა

რაც შეეხება დამატებით საგნებს, კონკრეტულ პროგრამაზე თითოეული მათგანი უმაღლესმა სასწავლებელმა თავად განსაზღვრა. იმ შემთხვევაში, თუ უმაღლესი სასწავლო დაწესებულება ითხოვს დამატებით არჩევით საგანს, სავალდებულოა ოთხივე საგანში ბარიერის დაძლევა.

• “ვის უტოვებ მთელს შენს მემკვიდრეობას?” – რა პასუხი გასცა ნიკოლოზ რაჭველმა ამ შეკითხვას

აქვე შეგახსენებთ, რომ საგანმანათლებლო პროგრამების შეცვლისა და დამატების შესაძლებლობა აბიტურიენტებს აპელაციების შედეგების გამოქვეყნებიდან მომდევნო დღის ჩათვლით აქვთ.” – აღნიშნულია უწყების განცხადებაში.