„რესტორანში პირბადით ვერც დალევ და ვერც შეჭამ“ – ამის შესახებ პაატა იმნაძემ „რუსთავი 2“-ის ეთერში განაცხადა.
დაავადებათა კონტროლის ეროვნული ცენტრის ხელმძღვანელის მოადგილე განმარტავს, რომ თუ რესტორანში მყოფ პირს საპირფარეშოში გასვლა მოუნდება, ამ შემთხვევაში მას პირბადის გაკეთება მოუწევს.
„ყველა მონატრებულია მეგობრებთან და ახლობლებთან ერთად სადღაც დაჯდომას.
თუ მოვხვდით სუფრაზე, რესტორანში 6 კაცზე მეტი არ შეიძლება. რესტორანში პირბადით ვერ დაჯდები, პირბადით ვერც დალევ და ვერც შეჭამ.
თუმცა, ტუალეტში რომ მოგინდება გასვლა და სანამ ტუალეტში მიხვალ-მოხვალ უნდა გეკეთოს პირბადე“, – განაცხადა პაატა იმნაძემ.
შეგახსენებთ, რომ 8 ივნისიდან დახური ტიპის რესტორნებზე და კაფე-ბარებზე შეზღუდვები მოიხსნება.
