დეკანოზი იოანე გორელიშვილი, ბათუმისა და ლაზეთის ეპარქიის პრეს-სპიკერი „აჭარის“ ტელევიზიის ეთერში ჰყვება, რომ საპატრიარქოში ხელისუფლების წარმომადგენლები იმყოფებოდნენ.
„ეკლესიას აქვს მუდმივი კავშირი ხელისუფლების წარმომადგენლებთან. დღესაც საპატრიარქოში იყვნენ მობრძანებულნი ხელისუფლების წარმომადგენლები. მოხდა შეთანხმება, რომ წირვა-ლოცვა გაგრძელდება, უბრალოდ ღვთისმსახურებას მრევლი მოისმენს ტაძრის ეზოში, შესაბამისი დისტანციის დაცვით. ყველაზე ოპტიმალურია, რომ ღვთისმსახურება აღესრულება ღია ცის ქვეშ. ეს შეთანხმება მოხდა საპატრიარქოში ხელისუფლების წარმომადგენლებთან“, – აღნიშნავს დეკანოზი,
მას არ დაუკონკრეტებია, თუ ვინ იმყოფებოდა ხელისუფლებიდან საპატრიარქოში ამ საკითხის განსახილველად.
Gepostet von აჭარის ტელევიზია • Ajara TV – საზოგადოებრივი მაუწყებელი am Montag, 30. März 2020
