გამოცემა Forbes-მა საქართველო ერთ-ერთ ყველაზე უსაფრთხო ტურისტულ მიმართულებად დაასახელა.
გამოცემამ 7 ქვეყანა დაასახელა, რომლებიც კორონავირუსის პანდემიის შემდგომ პერიოდში შესაძლოა ძირითად ტურისტულ მიმართულებებად იქცნენ. სწორედ ამ 7 ქვეყანას შორის მოხვდა საქართველო.
„საქართველო ახლოსაა იმასთან, რომ იდილიური ადგილი გახდეს. დაიწყეთ მოგზაურობა თბილისიდან, ქალაქიდან, რომელშიც მრავლადაა უძველესი ტაძრები და რესტორნები მდინარე მტკვრის სანაპიროზე.
დედაქალაქში მიღებული შთაბეჭდილებების შემდეგ კი დატკბით საქართველოს ულამაზესი ბუნებით და დასავლეთ საქართველოს პატარა მშვენიერი ქალაქებით. არ დაგავიწყდეთ ქართული ღვინის დაგემოვნებაც“, – ნათქვამია სტატიაში.
