საქართველოს ყველა რეგიონში ცხელების ცენტრი გაიხსნება, სადაც იმ მოქალაქეებს მიიღებენ, რომლებსაც ტემპერატურა ექნებათ. ამის შესახბე ჯანდაცვის მინსიტრმა ეკატერინე ტიკარაძემ განაცხადა.
მისი თქმით, ცხელების კლინიკები მომზადებული იქნება საქართველოს ყველა რეგიონისთვის.
„დღესდღეობით კახეთის რეგიონში არის უკვე ცხელების კლინიკები განსაზღვრული და პაციენტებს შეუძლიათ მიმართონ.
ქვემო ქართლის რეგიონში მიმდინარეობს ცხელების კლინიკების მობილიზაცია და ეტაპობრივად ყველა რეგიონში იქნება გამოყოფილი ეს სია და სულ მალე მოსახლეობას ექნება ამ სიის სრული ჩამონათვალი“,- განაცხადა ტიაკრაძემ.
მიმდინარე მოვლენების ინფორმაცია მოკლედ:
- 27 მარტის მონაცემებით, საქართველოში კორონავირუსის შემთხვევა 81-მდე გაიზარდა.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელ ტერიტორიაზე საგანგებო მდგომარეობა გამოაცხადა.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- ყველა მეზობელ ქვეყანასთან მოქალაქეთა მიმოსვლა შეზღუდულია, ასევე, 2 კვირით საზღვარი დაკეტილია უცხო ქვეყნების მოქალაქისთვის.
- პრემიერ-მინისტრმა სახელმწიფო და კერძო დაწესებულებისთვის დისტანციურ რეჟიმში მუშაობის რეკომენდაცია გასცა.
წაიკითხეთ და გაითვალისწინეთ საჭირო რეკომენდაციები
გადაწყვეტილება, რომელიც საგანგებო რეჟიმს დროს მოქმედებს
