დღიურ რეჟიმში საქართველოში 1000-ზე მეტი PCR ტესტი ჩატარდება. ამის შესახებ ჯანდაცვის მინისტრმა, ეკატერინე ტიკარაძემ გამართულ ბრიფინგზე განაცხადა.
მისი თქმით, ტესტირება სპეციალურად განსაზღვრულ რისკ-ჯგუფებში ჩატარდება.
„ჩვენ მივიღეთ გადაწყვეტილება, რომ დღიურ რეჟიმში საქართველოში 1000 ზე მეტი PCR ტესტი ჩატარდება.
ამის საშუალება ქვეყანაში არის და სწორედ იმ რისკ-ჯგუფებში, რომლებიც დღეს საბჭოს მხრიდან დამტკიცდება, ეს ტესტები უფრო გაფართოებული იქნება“,- განაცხადა ტიკარაძემ.
შეგახსენებთ, 29 აპრილს გორის სამხედრო ჰოსპიტალის მედდას კორონავირუსი დაუდგინდა.
ამ დროსთვის საქართველოში კორონავირუსის 539 შემთხვევაა დაფიქსირებული.
გამოჯანმრთელებულთა რიცხვი 178-ს შეადგენს.
ბოლო მონაცემებით:
გარდაცვლილთა რაოდენობა ჯამში – 6.
- კარანტინის რეჟიმში იმყოფება – 5247 ადამიანი
- სტაციონარში მეთვალყურეობის ქვეშ – 532 ადამიანი
- უცხოეთიდან სამკურნალოდ გადმოყვანილი საქართველოს მოქალაქეების – 3
