ზუგდიდის მუნიციპალიტეტ საზღვრისპირა სოფელ რუხში, ადმინისტრაციულ საზღვართან სამხედრო-საველე კარავი მოეწყო.

თავდაცვის სამინისტროში აცხადებენ, რომ ბლოკ-საგუშაგოებზე კარავი სპეციალური სამედიცინო აღჭურვილობითაა მოწყობილი და აქ სამხედრო ექიმები 24 საათის განმავლობაში იმუშავებენ. კერძოდ, აქ მოხდება მოსახლეობის თერმოსკრინინგი და მათი შემოწმება.

შეგახსენებთ, რომ ზუგდიდის რამდენიმე სოფელში: ცაცხვი, ორულუ, ურთა, ნარაზენი, ჯიხაშკარი და ზედაეწერი საკონტროლო პუნქტები მოეწყო, რომლებშიც თავდაცვის სამხედრო ძალები ჩაერთვნენ.

ნახეთ, საქართველოს ქალაქები, სადაც საკონტროლო გამშვები პუნქტები მოეწყობა.

• ქვეყანაში საყოველთაო კარანტინი გამოცხადდა.

• ნახეთ აკრძალვების ჩამონათვალი საყოველთაო კარანტინის დროს

•  31 მარტის მონაცემებით ქვეყანაში ვირუსით 108 ადამიანია ინფიცირებული 

• 31 მარტის მდგომარეობით გამოჯანმრთელდა 21 ადამიანი.

• 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.

• 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა

• 21 მარტს, პრეზიდენტმა საქართველოს მთელ ტერიტორიაზე საგანგებო მდგომარეობა გამოაცხადა.

• მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.

• შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.

• შეზღუდვები შეეხო კაფე-ბარებსა და რესტორნებს.

• საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.

• ნახეთ, რას ნიშნავს საყოველთაო კარანტინი და რა წესები მოქმედებს მისი გამოცხადებისას.

ავტორი: თეა შონია