ქუთაისში, მიწისქვეშა გადასასვლელში არსებული სავაჭრო ცენტრი “გვირაბი 95” ზეგ გაიხნება. ამის შესახებ „პრაიმტაიმს“ ერთ-ერთმა დასაქმებულმა უთხრა.
„გვითხრეს, რომ ორ დღეში გახსნიან, თუ არადა, მერია ჩაერევა საქმეში.
ხვალ უფროსი წავა და იყიდის სადეზინფექციო სამუშაოებს და მოაწესრიგებს ფართს”, – ამბობს მალვინა ცხადაძე.
დღეს, “გვირაბის” თანამშრომლებმა საპროტესტო აქცია გამართეს, ისინი ობიექტის გახსნას და მუშაობის შესაძლებლობას ითხოვდნენ.
ცნობისთვის: “გვირაბი 95”-ში 75 მოიჯარეა დასაქმებული. ისინი იჯარის თანხას დაკავებული ფართის მიხედვით, თვეში 200-დან 400 ლარამდე იხდიან.
კორონავირუსის პანდემიის გამო, გვირაბი ორ თვეზე მეტია დაკეტილია.
