პარლამენტმა საზოგადოებრივი ჯანმრთელობის დაცვის შესახებ კანონს მეორე მოსმენითაც მხარი დაუჭირა. კანონპროექტს 79 მომხრე ჰყავს.
კანონპროექტი მთავრობას შეზღუდვების საგანგებო მდგომარეობის გარეშე დაწესების უფლებას აძლევს.
ცნობისთვის, „საზოგადოებრივი ჯანმრთელობის შესახებ“ საქართველოს კანონში ცვლილებები შევა, რომლის მიხედვით, შემზღუდავი ღონისძიებების გატარება მთავრობას საგანგებო მდგომარეობის გამოცხადების გარეშეც შეეძლება.
კანონპროექტს უპირისპირდებიან ოპოზიციის წარმომადგენლები და დამოუკიდებელი დეპუტატები.
