სინგაპურის მთავრობა კორონავირუსის უფასო მკურნალობას აჩერებს იმ ადამიანებისთვის, რომლებიც ვაქცინაციაზე უარს ამბობენ.
ინფორმაციას ამის შესახებ Independent-ი ავრცელებს.
სინგაპურის ჯანდაცვის სამინისტროს ინფორმაციით, ამჟამად ქვეყანაში არავაქცინირებული პირები იმ ადამიანების დიდ უმრავლესობას შეადგენენ, ვისაც ინტენსიური თერაპიის განყოფილებებში მკურნალობა ესაჭიროება.
„ისინი არაპროპორციულად უწყობენ ხელს ჩვენი ჯანდაცვის რესურსების დატვირთვას. ამრიგად, 2021 წლის 8 დეკემბრიდან კოვიდპაციენტებს, რომლებიც ვაქცინაციაზე უარს ამბობენ, მკურნალობის გადასახადს დავაკისრებთ. აღნიშნული ზომა ყველა არავაქცინირებულ კოვიდპაციენტზე გავრცელდება, რომლებსაც საავადმყოფოებში 2021 წლის 8 დეკემბრიდან მიიღებენ“, – განაცხადეს სინგაპურის ჯანდაცვის სამინისტროში.
აღნიშნული ზომა არ გავრცელდება იმ პირებზე, ვისაც ვაქცინის მიღება სამედიცინო მიზეზების გამო არ შეუძლია.
ნახეთ სხვა სიახლეები და ვიდეოები ⇓
