„ახლა შემიძლია წერა, დღეს მეგონა, რომ ყველაფერი დასრულდა ჩემთვის“,- ამის შესახებ სოციალურ ქსელში კომპოზიტორი მაიკო კაჭკაჭიშვილი წერს.
„დედაჩემს დაეწყო თირკმელის შეტევა, სიცხე ავარდა 40-ზე და ვერ ვაკავებდით ისე ხტოდა და სიცხესაც ვერაფერს ვშველიდი. გაშავდა გასივდა და კითხვებზე არასწორი პასუხები გამცა.
მანდ უკვე დავინახე, რომ მორჩა ყველაფერი ვუყურებდი როგორ კვდებოდა.
სასწრაფოს ზუსტად 4 საათი და 25 წუთი ველოდე. არ ვიცოდი კოვიდი იყო თუ რას ქონდა ესეთი კრიზისი. ყველა ტიროდა ჩემს გარდა, მე უბრალოდ აზროვნების უნარი დავკარგე და ტირილი რა იყო არ ვიცოდი.
გამოვიყვანე მდგომარეობიდან, მაგრამ როგორ ბუნდოვნად მახსოვს. სასწაფოს ვეხვეწებოდი უგონოა და დამეხმარეთთქო და არ გვყავს თავისუფალი მანქანაო, ვერც გავბრაზდი იმიტომ, რომ იმ ხალხსაც ყავს შვილები და ისინიც ჩემსავით ელოდებოდნენ ექიმებს.
დღეს ჩავხედე იმ რეალობას თვალებში, რომელიც გვჭირს და ხალხთან ექიმი ვერ მიდის.
მძიმე რეალობაა, გაუფრთხილდით ოჯახის წევრებს. საკუთარ თავებს. დაიცავით რეგულაციები ზედმეტად ზედმიწევნით. დამიჯერეთ ძალიან რთულია შველას, რომ ითხოვ და შველა არ არის, იმიტომ რომ რიგში მერამდენე ხარ კაცმა არ იცის“,- წერს მაიკო კაჭკაჭიშვილი.
ასევე ნახეთ: გიორგი ფხაკაძე ე.წ ბუსტერზე
