რიონის ხეობაში აქცია მშვიდ ვითარებაში გრძელდება. სოფელ გუმათში, ნამახვანჰესის მშენებლობის მოწინააღმდეგე აქციის მონაწილეებმა კომპანია “ენკას” ოფისის შესასვლელ რკინის ღობეზე ბუშტები დაამაგრეს. ისინი კომპანიის ტერიტორიიდან გამოსულ თანამშრომლებს და პოლიციის წარმომადგენლებს ტაშითა და შეძახილებით აცილებენ.
გუმათში, აქციის მონაწილეების მოთხოვნები უცვლელია, ეს არის “ენკასთან” დადებული ყველა ხელშეკრულების გაუქმება, კომპანიის გასვლა ხეობიდან, სამუშაოების შეჩერება და ეკონომიკის მინისტრის გადადგომა.
სოფელ გუმათში ცოტა ხნის წინ კი დაპირისპირება იყო.
„ნამახვანჰესის“ მშენებლობის მოწინააღმდეგეებმა რკინის ბარიკადების მიღმა გადასვლა სცადეს, რისი საშუალებაც მათ ბარიკადებს მიღმა მყოფმა სამართალდამცველებმა არ მისცეს
