სომხეთის თავდაცვის მინისტრი მოსკოვში ჩაფრინდა?! - საელჩო განცხადებას ავრცელებს

სომხეთის საელჩო რუსეთში, უარყოფს მედიაში გავრცელებულ ინფორმაციას, თითქოს სომხეთის თავდაცვის მინისტრი დავით ტონიანი მოსკოვში იმყოფება.

სოციალურ ქსელ ტელეგრამში, გავრცელდა ინფორმაცია, რომ სომხეთის თავდაცვის მინისტრი დღეს, მთიან ყარაბაღში სიტუაციის გამწვავების ფონზე, მოსკოვში ჩაფრინდა.

ცოტა ხნის წინ, სომხეთმა საომარი მდგომარეობა გამოაცხადა.

ასევე, იხილეთ სომხეთ-აზერბაიჯანის დაპირისპირების პირველი კადრები.

სომხეთისა და აზერბაიჯანის საზღვარზე ვითარება უკიდურესად დაიძაბა. აზერბაიჯანული მედიის ცნობით, სომხეთის მხრიდან დღეს დილით ფართომასშტაბიანი შეტევა განხორციელდა. შედეგად არის მსხვერპლი.

როგორც აზერბაიჯანის თავდაცვის სამინისტროში ამბობენ, აზერბაიჯანელმა სამხედროებმა საპასუხო ცეცხლი გახსნეს.

სომხეთის პრემიერ-მინისტრის, ნიკოლ ფაშინიანის განცხადებით კი, მთიანი ყარაბაღის მიმართულებით შეტევა აზერბაიჯანის მხრიდანაა დაწყებული.

სომხეთის თავდაცვის სამინისტრო აზერბაიჯანული ვერტმფრენისა და უპილოტო საფრენი აპარატის ჩამოგდებას იტყობინება.

შეგახსენებთ, რომ ბაქოს და ერევანს წლებია კონფლიქტი აქვთ აზერბაიჯანის საერთაშორისოდ აღიარებული რეგიონის, მთიანი ყარაბაღის გარშემო. სომხეთის მიერ მხარდაჭერილმა სეპარატისტებმა აზერბაიჯანის ეს, ძირითადად სომხებით დასახლებული რეგიონი ადრეული 1990-იანი წლების ომით მოიპოვეს. ომს 30,000-მდე ადამიანი შეეწირა. კონფლიქტის გადაჭრის დიპლომატიურ მცდელობებს მნიშვნელოვანი პროგრესი არ მოჰყოლია.

ავტორი: ალექსი ქამადაძე