“პატრიოტთა ალიანსის“ ერთ-ერთი ლიდერი ემზარ კვიციანი თვლის, რომ მის პარტიაში სუს-ის მიერ ჩანერგილი აგენტები არიან. დეპუტატმა ამის შესახებ „პრაიმტაიმთან“ განაცხადა.
როგორც კვიციანი აღნიშნავს, სუს-ის აგენტები არა მარტო “პატრიოტთა ალიანსში” არამედ ყველა პარტიაში იმყოფებიან.
„ნებისმიერს კითხეთ, ნებისმიერ პარტიაში არიან ჩანერგილები ისე, როგორც ჟურნალისტებში არიან ჩანერგილები სხვადასხვა მიმართულებით სპეცსამსახურებიდან, მითუმეტეს, სუს-ის სპეცსამსახურებიდან.
ეს ყველაფერი ემსახურება პირდაპირ უცხო ქვეყნის ინტერესებს. აქ საუბარს დავასრულებ“,- განაცხადა კვიციანმა.
ინფორმაციისთვის, „პატრიოტთა ალიანსის“ ერთ-ერთმა ლიდერმა ემზარ კვიციანმა „ალიასთან“ ინტერვიუში განაცხადა, რომ სუს-ის მიერ ჩანერგილი აგენტები ყველგან არიან, მათ შორის „პატრიოტთა ალიანსშიც“.
ავტორი: ეკატერინე ზარნაძე
