23 წლის თამარ ბაჩალიაშვილის საქმეზე ახალი გარემოებები ხდება ცნობილი. როგორც „პრაიმტაიმისთვის“ გახდა ცნობილი ოჯახმა იცოდა, რომ ახალგაზრდა გოგო ფსიქოლოგთან დადიოდა, უფრო მეტიც, ფსიქოლოგთან კონსულტაცია მას დედამ ურჩია.
ინფორმაცია ამის შესახებ ოჯახის ადვოკატმა, მიხეილ რამიშვილმა მოგვაწოდა.
„რა თქმა უნდა იცოდა ოჯახმა, რომ ფსიქოლოგთან დადიოდა, ეს არაფერს ნიშნავს. ახალი დაწყებული ჰქონდა ფსიქოლოგთან სიარული, დედამისმა ურჩია“, – ამბობს ადვოკატი.
ხოლო, ჩვენს კითხვაზე, რატომ შეიძლებოდა დასჭირვებოდა ახალგაზრდა გოგოს ფსიქოლოგთან კონსულტაცია და ხომ არ უკავშირდება ეს მის სამსახურს მიხეილ რამიშვილი ასე გვაპსუხობს:
„შესაძლებელია, მაგაზე ძალიან მალე, დედამისი ყველაფერზე კონკრეტულად გასცემს პასუხს“
