ვილოცოთ სახლიდან, ჩვენი მღვდელმთავრები და მამაოები ილოცებენ ჩვენთვის და ეს ლოცვა დარწუნებული ვარ, უკეთესი იქნება ჩვენი მოსახლეობის ჯანმრთელობისთვის, ვიდრე ჩვენი ადგილზე მისვლა ტაძარში, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
„ჩვენი ყველაზე დიდი საუფლო დღესასწაული აღდგომაა. ეს საქართველოში ტრადიციულად დიდი შეკრებების მიზეზი გახლავთ.
საზოგადოებისადმი ჩვენი რეკომენდაციები ძალიან დიდი თხოვნით და მოწიწებითაა, რომ წელს ჩვენ დღესასწაულების ეს ფორმატი შევცვალოთ იმიტომ, რომ ვდგავართ დიდი საშიშროების წინაშე, შევიდეთ ფართომასშტაბიან ეპიდემიაში.
უმორჩილესი თხოვნაა, პერიოდში ეკლესიებში წასვლისგან თავი შევიკავოთ. ვილოცოთ სახლიდან, ჩვენი მღვდელმთავრები და მამაოები ილოცებენ ჩვენთვის და ეს ლოცვა დარწუნებული ვარ, უკეთესი იქნება ჩვენი მოსახლეობის ჯანმრთელობისთვის, ვიდრე ჩვენი ადგილზე მისვლა ტაძარში.
ძალიან მიჭირს ამაზე საუბარი, თუმცა ექიმი ვარ და ამ საშიშროების შესახებ უნდა გითხრათ,“ – განაცხადა გამყრელიძემ.
ბოლო მონაცემებით, საქართველოში კორონავირუსის შემთხვევა 340-მდე გაიზარდა.
- 15 აპრილიდან, საქართველოს ოთხი დიდი ქალაქი 10 დღით ჩაიკეტა.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- დახურულია ყველა სავაჭრო ობიექტი, გარდა სურსათის მაღაზიებისა. დაკატილია აგრარული ბაზრები.
- საჯარო და კერძო სამსახურები გადავიდნენ დისტანციურ მუშაობაზე. შეჩერდა მუნიცილაური ტრანსპორტის მოძრაობა.
- კარანტინის წესის დამრღვევი ფიზიკური პირები 3 000 ლარით, იურიდიული პირები კი 15 000 ლარით დაჯარიმდებიან.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
