მომღერალ თიკა მახალდიანის დედის ტრაგიკული გარდაცვალებიდან 40 დღე გავიდა. მომღერლის დედა, აღდგომის დღეს, საკუთარ სახლში იმყოფებოდა, როდესაც მოპირდაპირე კორპუსიდან პოლიციელის ნასროლმა ტყვიამ იმსხვერპლა.
ორმოცამდე რამდენიმე დღით ადრე თიკა მახალდიანის და მისი მეუღლის თემო პირველაშვილის სახლში უჩვეულო მოვლენა მოხდა, რის შესახებაც პირველაშვილი “ფეისბუქის” პირად გვერდზე წერს:
“არ ვიცი როგორ ავხსნა, მაგრამ ფაქტია რასაც ხედავთ.
ერთი წლის წინ ვაკურთხებინე სახლი, მეც ვესწრებოდი მამაომ ეს სტიკერები, რომელზეც ჯვარია გამოსახული, თავის ხელით მიაკრა ყველა ოთახში და შესასვლელ კარზეც, აპკურა ნაკურთხი წყალი და წაუსვა ზეთი.
მის მერე ერთი წელი გავიდა, ყველგან გაშრა წყალიც და ზეთიც.
სახლში დაბრუნების დროს, კარებს რომ ვაღებ, სულ ვუყურებ ამ სტიკერს და ეხლა ამ წუთში სახლში მოვედი, აი ამას შევესწარი.
მეთქი თიკამ წაუსვა, მაგრამ აღმოჩნდა რომ არაფერი არ წაუსვია და თავისით გამოისახა ჯვარიც და ეს ზეთი თავისით წამოვიდა. ხელით შევეხე ერთ წვეთს და ჩვეულებრივი ახალი ზეთია.
დაილოცოს განგება, უფალო დაგვიფარე და შეგვიწყალე ჩვენ ცოდვილი!” – წერს თიკა მახალდიანის მეუღლე.
