მთავრობის სტრატკომის განმარტებით, ინფორმაცია, რომელიც 20 ივნისს თბილისის ჩაკეტვასთან დაკავშირებით გავრცელდა, სიმართლეს არ შეესაბამება.
მათივე ცნობით, ეპიდსუიტუაცია არ იძლევა იმის საფუძველს, რომ რომელიმე ქალაქი ჩაიკეტოს.
„სხვადასხვა მედიასაშუალებებში ვრცელდება ინფორმაცია 20 ივნისს ქალაქ თბილისის ხელმეორე ჩაკეტვასთან დაკავშირებით. ეს ინფორმაცია არ შეესაბამება სიმართლეს და მიზნად ისახავს გარკვეული ჯგუფების მიერ საზოგადოების სიცრუეში შეყვანას.
ქვეყანაში არსებული ამჟამინდელი ეპიდსიტუაცია არ გვაძლევს იმის თქმის საფუძველს, რომ თბილისი ან რომელიმე სხვა ქალაქი ჩაიკეტება“, – აღნიშნულია მთავრობის სტარტკომის განცხადებაში.
