პირველ საუნივერსიტეტო კლინიკაში ამ დროისთვის 64 პაციენტია, მათგან 51 კოვიდინფიცირებულია.

თსსუ-ის პირველი საუნივერსიტეტო კლინიკა 2-მა კორონავირუსისგან გამოჯანმრთელებულმა პაციენტმა დატოვა. ლევან რატიანის ინფორმაციით, კრიტიკული პაციენტების რაოდენობა 6-ია. კლინიკაში მოთავსებული 62 წლის ქალის განმეორებით პასუხს დღეს ელოდებიან, ხოლო 80 წლის ქალი მოხსნილია აპარატიდან.

რაც შეეხება, 42 წლის მამაკაცს, რატიანის თქმით, მისი მდგომარეობა მეტ-ნაკლებად სტაბილურია. 3 პაციენტი რჩება მართვით სუნთქვაზე და მათი მდგომარეობა კრიტიკულია, განსაკუთრებით მძიმეა 62 წლის ქალი.

დღეს, თბილისის ზღვის ჰოსპიტალის ორი მედიკოსი დაინფიცირდა. რატიანის თქმით, ისინი სტუდენტები არიან და მათი მდგომარეობა სტაბილურია.

• საქართველოში კორონავირუსის შემთხვევა 188-მდე გაიზარდა

• ბოლო მონაცემებით გამოჯანმრთელებულია 36 ადამიანი

• გარდაცვლილია ორი ადამიანი. 

• 31 მარტიდან კარანტინის რეჟიმი ამოქმედდა

• გამოცხადდა კომენდანტის საათი

• 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.

• 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა

• 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა.

• საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.

• მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.

• შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
• შეზღუდვები შეეხო კაფე-ბარებსა და რესტორნებს.

• ნახეთ, რას ნიშნავს საყოველთაო კარანტინი და რა წესები მოქმედებს მისი გამოცხადებისას.