სოციალურ ქსელში „ტვ პირველის” წამყვანი მაია სტეფნაძე თანამშრომელზე წერს, რომლის ოჯახის წევრს Covid-19-ზე ანალიზის პასუხი ჯერ შეცდომით მიეწოდა, მას შემდეგ კი, რაც ვირუსი დაუდასტურდა, მასთან კონტაქტში მყოფი მეუღლე რამდენიმე საათია, ქუჩაში ელოდება სასწრაფო დახმარების ბრიგადას…
„ტვ პირველის თანამშრომლის მეუღლეს გუშინ ტესტის პასუხი უარყოფითი მოუვიდა. ჩვენი თანამშრომელი დღეს მშვიდად მოვიდა სამსახურში და შეხება ჰქონდა ბევრ ჩვენთაგანთან.
ამასობაში გაირკვა, რომ ტესტის პასუხი შეეშალათ და ცოლს კოვიდი დაუდასტურდა. ამის მერე იწყება მთავარი: ჯანდაცვის სამინისტროს ცხელ ხაზზე გასვლა შეუძლებელია, სასწრაფო 5 საათია არ მოდის, ეს ადამიანი დგას ქუჩაში და აღარ იცის როგორ მოიქცეს. ვინმე გვეტყვით რა გააკეთოს?” – წერს მაია სტეფნაძე.
