ოკუპირებული ტყვარჩელის შემოგარენში, მთის მასივში, მაშველებმა რამდენიმე დღის წინ გაუჩინარებული მამაკაცის ბეტო კვეკვესკირის ცხედარი იპოვეს.
ინფორმაციას აფხაზეთის დე ფაქტო რესპუბლიკის საგანგებო სიტუაციების მართვის სამინისტრო ავრცელებს.
უწყების ცნობით,32 წლის მამაკაცს, რომელიც სანადიროდ იყო წასული და გაუჩინარდა, 30 ნოემბრიდან ეძებდნენ.
სამძებრო სამუშაოებში საგანგებოს თანამშრომლებთან ერთად, ადგილობრივი მცხოვრებლები და მამაკაცის ახლობლები იყვნენ ჩართულნი.
ცხედრის გადმოსვენების საკითხში უწყების ვერტმფრენიც ჩაერთვება.
ავტორი: თეა შონია
