აჭარის საზოგადოებრივი მაუწყებლის პირდაპირ ეთერში შეკითხვებს, აჭარის მთავრობის თავჯდომარე თორნიკე რიჟვაძე პასუხობდა, სადაც საქართველოს მთავრობის მიერ წარდგენილ ანტიკრიზისულ გეგმაზე ისაუბრა.
თორნიკე რიჟვაძე ანტიკრიზისულ გეგმას უმაღლეს შეფასებას აძლევს.
რიჟვაძე ამბობს, რომ ზუსტად არის შემუშავებული იმ მოქალაქეებზე, რომელსაც პანდემიის დროს ყველაზე მეტად ესაჭიროება დახმარება.
„პრემიერ მინისტრის ხელმძღვანელობით ქართული ოცნების მიერ შემუშავებული ანტიკრიზისული გეგმა, რომლის პრეზენტაციაც დღეს გაიმართა, ნამდვილად იმსახურებს, უმაღლეს შეფასებას და ამის თქმის საფუძველს მაძლევს ის გარემოება, რომ ამ გეგმაში წარმოდგენილია, ყველა ის ძირითადი, მნიშვნელოვანი დახმარების პაკეტი, რომელიც ესაჭიროება ჩვენი ქვეყნის მოქალაქეებს და ის პრაქტიკულად მოიცავს ყველა სოციალურ ფენას, რომელიც ამ არსებული, ძალიან დიდი გლობალური გამოწვევის ფონზე, ყველაზე მეტად დაზარალდა პანდემიასთან ბრძოლის ფარგლებში,” – აცხადებს აჭარის მთავრობის თავჯდომარე.
