ამერიკის შეერთებული შტატების პრეზიდენტი დონალდ ტრამპი სოციალურ ქსელში ნიუ-იორკში მიმდინარე საპროტესტო აქციებს ეხმიანება.
„ქაოსმა, უკანონობამ და ნგრევამ მოიცვა ნიუ იორკი“@„ფოქს ნიუსი“. როდის დაუძახებს გუბერნატორი კუომო ფედერალურ მთავრობას დახმარებისთვის?“ – წერს დონალდ ტრამპი.
ნიუ-იორკში მიმდინარე საპროტესო აქციაზე პოლიციასა და მომიტინგეებს შორის დაპირისპირება მოხდა.
შეგახსენებთ, რომ საპროტესტო ტალღა მას შემდეგ აგორდა, რაც პოლიციამ ძალის გამოყენებით 46 წლის მამაკაცი, ჯორჯ ფლოდი დააკავა.
ფლოდის დაკავების ვიდეომ აშშ-ის მოსახლეობაში პროტესტი გამოიწვია. კადრებში ჩანს, რომ ხელშეკრულ მამაკაცს პოლიციელი მუხლს კისერზე აჭერს, ისმის დაკავებულის სიტყვებიც, რომ სუნთქვა აღარ შეუძლია.
მოგვიანებით, ფლოიდი საავადმყოფოში გარდაიცვალა.
“Chaos, lawlessness, and destruction take over New York.” @FoxNews When will Governor Cuomo call the Federal Government for help?
— Donald J. Trump (@realDonaldTrump) June 3, 2020
