ქვეყნები, რომლებიც უარს ამბობენ საკუთარი მოქალაქეების წაყვანაზე ამერიკიდან, ან არამოტივირებულად მუშაობენ ამ საკითხზე, შესაძლოა ვიზების სანქციების ქვეშ მოხვდნენ.
ამას გულისხმობს მემორანდუმი, რომელსაც ხელი აშშ-ის პრეზიდენტმა დონალდ ტრამპმა მოაწერა.
„ქვეყნები, რომლებიც უარს ამბობენ, ან უსაფუძვლოდ ანელებენ თავიანთი მოქალაქეების დაბრუნების საკითხს, მას შემდეგ, რაც მათ თხოვეს, რომ დაებრუნებინათ სამშობლოში პანდემიის პერიოდში, ქმნიან დაუშვებელ რისკებს ამერიკის მოქალაქეებისთვის“, – წერია მემორანდუმში.
დოკუმენტი 2020 წლის ბოლომდე იმოქმედებს და შესაძლოა, რომ ის გაახანგრძლივონ.
აშშ ამ ეტაპზე კორონავირუსის ანტრეიტინგში მსოფლიო ლიდერია. ქვეყანაში 500 ათასამდე კოვიდ-19-ის შემთხვევაა გამოვლენილი, რომელთაგან 19 ათასზე მეტი დაიღუპა.
საქართველოს მოქალაქეების სამშობლოში ორგანიზებული დაბრუნების ფარგლებში საკოორდინაციო საბჭოს მიერ დაგეგმილი რეისების და სახმელეთო გზით ამ დროისთვის საქართველოში 5 319 ადამიანი დაბრუნდა.
მოქალაქეების ჩამოყვანას უცხო ქვეყნებიდან ეტაპობრივად მოხდება.
