ცნობილი ჩინელი ჩოგბურთელი პენგ შუაი 20 დღიანი გაუჩინარების შემდეგ ვიდეოზარით პირველად ესაუბრა საერთაშორისო ოლიმპიური კომიტეტის წარმომადგენლებს. ამის შესახებ CNN-ი წერს.
2 ნოემბრის შემდეგ ეს პენგ შუაის პირველი კონტაქტია საერთაშორისო სპორტული ორგანიზაციის წარმომადგენლებთან. ჩოგბურთელი მას შემდეგ გაუჩინარდა, რაც ჩინეთის ყოფილი ვიცე-პრემიერი ჩჟან გაოლი სექსუალურ ძალადობაში დაადანაშაულა.
ჩოგბრუთელი საერთაოშიროს ოლიმპიური კომიტეტის წარმომადგენლებს, მათ შორის თავმჯდომარე თომას ბახს 30 წუთის განმავლობაში ესაუბრა. ორაგნიზაციის თანახმად, მან მადლობა გადაუხადა IOC-ს მის გამო ნერვიულობისთვის.
„აგვიხსნა, რომ უსაფრთხოდ და კარგად არის, ცხოვრობს თავის სახლში პეკინში და სურს, რომ ამ დროს პატივი სცენ მის პირად ცხოვრებას და ამიტომ ახლა ოჯახის წევრებთან და მეგობრებთან ურჩევნია დროის გატარება“, – ნათქვამია საერთაშორისო ოლიმპიური კომიტეტის განცხადებაში
ინფორმაციისთვის, 2 ნოემბერს ჩინურ სოციალურ ქსელში სპორტსმენმა პოსტი გამოაქვეყნა, სადაც წერდა, რომ 2018 წელს ყოფილმა ვიცე-პრემიერმა გაოლიმ გააუპატიურა. ჩოგბურთელის პოსტი 20 წუთში წაიშალა, ამ დროისთვის შუაის ანგარიში სოციალურ ქსელში აღარ არსებობს.
ჩოგბურთელთან კონტაქტზე გასვლა ცდილობდნენ სხვა სპორტსმენები და ქალ ჩოგბურთელთა ასოციაცია (WTA). ასოციაცია ამბობდა რომ, შუაი გაუჩინარდა და მისი ადგილსამყოფელი არავინ იცის.
ასევე დაგაინტერესებთ ⇓
