ძიუდოისტი ავთანდილ ჭრიკიშვილი განზრახ მკვლელობის ბრალდებით დაკავებული ოლიმპიური ჩემპიონის, ზურაბ ზვიადაურის მდგაომრეობაზე საუბრობს.
როგორც ძიუდოისტი ამბობს, ზვიადაური ამჟამად ძალიან ცუდად გრძნობს თავს.
“დაახლოებით სამ დღეში ისე არის გამხდარი, რომ 10 კილო აქვს დაკლებული. ის ადამიანი რას გადის ახლა, ვერც წარმოიდგენთ. ცუდად იყო, სასწრაფო იდგა.
მოვიდა, დაიტირა ძმა, ძალიან ცოტა ხანი იყო, ცუდად გახდა და წავიდა. ვერ გაუძლო, წელი სტკიოდა და ვერ დადიოდა, რომ მოვიდა სკამზე დასვეს. სიარულიც უჭირს უკვე, ისეთ მდგომარეობაშია. ცოცხალია, მაგრამ ჩათვალეთ, რომ ისიც მკვდარია“, – განაცხადა ავთანდილ ჭრიკიშვილმა.
ზურაბ ზვიადაურსა და ჯაბა ჯანგირაშვილს, თელავის რაიონულმა სასამართლომ პატიმრობა, 18 აგვისტოს, პროკურატურის მოთხოვნის საფუძველზე შეუფარდა.
ზვიადაურს, 27 წლის ნიკა კენჭოშვილის განზრახ მკვლელობაში, ხოლო ჯაბა ჯანგირაშვილს, ცეცხლსასროლი იარაღის დაუდევრად შენახვაში ედება ბრალი.
სისხლიანი გარჩევა თელავის მუნიციპლიტეტის სოფელ წინანდალში, 16 აგვისტოს მოხდა. შემთხვევის შედეგად, გარდაცვლილია სამი და დაჭრილია ორი ადამიანი. გარდაცვლილებს შორის, ზურა ზვიადაურის ძმა, ზვიად ზვიადაური არის, რომელიც გუშინ, ახმეტაში დაკრძალეს.
ზურაბ ზვიადაური ძმის დაკრძალვას ბადრაგის თანხლებით ესწრებოდა.
ასევე დაგაინტერესებთ:
