მიუხედავად იმისა, რომ ქვეყანაში ეპიდვითარება ყოველდღიურად მძიმდება, მოქალაქეები რეგულაციებს ისევ არღვევენ. ღამის საათებში იმართება უკანონო წვეულებები, ყველანაირი წესების უგულებელყოფით, სადაც ირღვევა პანდემიის გამო დაწესებული რეგულაციები. ხშირია ჩხუბი და გარჩევები.
პოლიციას და შრომის ინსპექტორებს დატვირთული ღამე ჰქონდათ არა მხოლოდ თბილისში, ასევე მის შემოგარენშიც. „კურიერმა“ მოიპოვა ნატახტარში გადაღებული კადრები, სადაც წვეულების ორგანიზატორი სტუმრებს ღია სივრცეში რეგულაციების დარღვევით მასპინძლობდა.
