თუ ამას შევინარჩუნებთ, თუნდაც დღეში 18-20 პაციენტი, რომ იყოს არ არის დიდი ტრაგედია, როდესაც უკვე ვსაუბრობთ მეოთხეულ გადაცემაზე, ანუ შიდაგადაცემაზე, – ამის შესახებ ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.
მისი თქმით, თუ ინფიცირებულთა მატების ასეთ მაჩვენებელს შევინარჩუნებთ, სიტუაცია კონტროლირებადი იქნება.
„თუ განვიხილავთ, ბოლო 4-5 დღის მაჩვენებელს, ჩვენ 115-დან ავედით 148-ზე. მაგრამ ეს არ არის დიდი მაჩვენებელი და დიდი ციფრი. თუ ჩვენ ასე გავაგრძელებთ, ასე ზომიერად კონტროლირებადი ციფრებით, ალბათ შევძლებთ, რომ გადავლახოთ ეს დიდი პრობლემა დიდი დანაკლისების და არეულობების გარეშე.
თუ ამას შევინარჩუნებთ, თუნდაც დღეში 18-20 პაციენტი, რომ იყოს არ არის დიდი ტრაგედია, როდესაც უკვე ვსაუბრობთ მეოთხეულ გადაცემაზე, ანუ შიდაგადაცემაზე. ეს ციფრები და მაჩვენებლები აბსოლუტურად მისაღებია და არ არის ეს კატასტროფა. ჯერ ყველაფერი კონტროლირებადია და იმედია ასე დავამთავრებთ“, – განაცხადა მარინა ეზუგბაიამ.
ასევე, დღეს დილით გახდა ცნობილი საქართველოში 14 ახალი ინფიცირებულის შესახებ.
ამ დროისთვის ინფიცირებულთა რაოდენობა 148-ს შეადგენს.
- 24 საათში გამოვლინდა კანონდარღვევის 706 ფაქტი. გამოიწერა 2 მილიონზე მეტი ლარის ოდენობის ჯარიმა.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
წაიკითხეთ და გაითვალისწინეთ საჭირო რეკომენდაციები
