საქართველოში ამ დროისთვის კორონავირუსის 420 შემთხვევაა დაფიქსირებული. ინფიცირებული პაციენტები საქართველოს მაშსტაბით სხვადასხვა კლინიკაში მკურნალობენ.

კლინიკის წარმომადგენლები განმარტავენ როგორია მათთან მყოფი პაციენტების მდგომარეობა. ამჟამად კოვიდ დაწესებულებებში სულ 313 პაციენტი მკურნალობს.

ბოჭორიშვილის კლინიკა 

ამ დროისთვის ბოჭორიშვილის კლინიკაში 50 პაციენტი მკურნალობს, საიდანაც კორონავირუსი 22-ს აქვს დადასტურებული.

გუშინ კლინიკაში 5 წლის ბავშვი შეიყვანეს, რომელიც მარნეულის კლასტერს ეკუთვნის. მისი მდგომარეობა დამაკმაყოფილებელია.

კლინიკაში 4 პაციენტი კვლავ საყურადღებოა. დანარჩენი პაციენტები თავს დამაკმაყოფილებლად გრძნობენ.

ინფექციური საავადმყოფო 

ამჟამად ინფექციურ საავადმყოფოში 46 პაციენტი წევს, აქედან ვირუსი 44-ს აქვს დადასტურებული.

საავადმყოფოში მძიმე პაციენტები აღარ არიან. ორი მძიმე პაციენტის მდგომარეობა გაუმჯობესდა და ახლა მხოლოდ მწვავე პნევმონია აქვთ.

ასევე, დადასტურებული პაცინეტებიდან 17-ს აქვს მწვავე პნევმონია.

პირველი საუნივერსიტეტო კლინიკა

ამჟამად კლინიკაში არის 90 ინფიცირებულია. დღეს კიდევ 8 პაციენტი გამოჯანმრთელდა, რომლებიც ეტაპობრივად გაეწერებიან კლინიკიდან.

ასევე, ხვალისთვის კლინიკაში 17 უარყოფითი ტესტის პასუხს ელოდებიან.

რეანიმაციულ განყოფილებაში რჩება 8 პაციენტი. აქედან ერთი მდგომარეობა კრიტიკულია.

კრიტიკული პაციენტი 67 წლის მამაკაცია, რომელსაც კორონავირუსი აღარ აქვს, თუმცა მისი მდგომარეობის დამძიმება თანმდევმა დაავადებებმა გამოიწვია.

„ამ ეტაპზე სახეზეა მძიმე სეფსისი, სეპტიური შოკი, ფილტვის მწვავვე დაზიანების სინდრომი, თირკმლის მწვავე უკმარისობა. უტარდება მას კვლევები და ვნახოთ რა შედეგს მივიღებთ“,- აღნიშნავს კლინიკის დირექტორი, ლევან რატიანი.

ასევე, კლინიკაში რჩება 3 პაციენტი, რომელთა მდგომარეობაც სტაბილურია.

2020-04-23საქართველოში კორონავირუსის შემთხვევა 420-მდე გაიზარდა

ბოლო მონაცემებით, საქართველოში დაინფიცირების შემთხვევა 420-ია, აქედან 107 პაციენტი გამოჯანმრთელდა. გარდაიცვალა 5.

კარანტინის რეჟიმში იმყოფება 4816 ადამიანი და სტაციონრში 574 პაციენტს აკვირდებიან.

• 21 აპრილს, საქართველოს პრეზიდენტმა საგანგებო მდგომარეობის გაგრძელების შესახებ ბრძანება გამოსცა.

• მთავრობის გადაწყვეტილებით, 27 აპრილამდე აიკრძალა მსუბუქი ავტომობილების გადაადგილება.

• დახურულ სივრცეში სავალდებულო გახდა პირბადის ტარება. წინააღმდეგ შემთხვევაში იურიდიული პირი 15 ათასი ლარით დაჯარიმდება.

• მთავრობასა და საპატრიარქოს შორის შეთანხმება შედგა. შეთანხმების მიხედვით, ეკლესიის კარები მორწმუნეთათვის არ დაიკეტება!

• ხელისუფლების მოწოდებაა დარჩით სახლში, არ დაარღვიოთ კანონი

• 15 აპრილიდან, საქართველოს ოთხი დიდი ქალაქი 10 დღით ჩაიკეტა.

• საქართველოში 31 მარტიდან კარანტინის რეჟიმი ამოქმედდა.  გამოცხადდა კომენდანტის საათი

• 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.

• 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა

• დახურულია ყველა სავაჭრო ობიექტი, გარდა სურსათის მაღაზიებისა. დაკატილია აგრარული ბაზრები.

• საჯარო და კერძო სამსახურები გადავიდნენ დისტანციურ მუშაობაზე. შეჩერდა მუნიცილაური ტრანსპორტის მოძრაობა.

• კარანტინის წესის დამრღვევი ფიზიკური პირები 3 000 ლარით, იურიდიული პირები კი 15 000 ლარით დაჯარიმდებიან.

• შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.

• შეზღუდვები შეეხოკაფე-ბარებსა და რესტორნებს.