მუსიკოსი და ბასისტი, მიშო ჯაფარიძე ავტოსაგზაო შემთხვევას ემსხვერპლა. ამ ფაქტს მუსიკოსები ეხმაურებიან და ამბობენ, რომ მიშო ყველასთვის განსაკუთრებული იყო და ასევე განსაკუთრებული პასუხისმგებლობითაც გამოირჩეოდა.
მიშო ჯაფარიძის გარდაცვალების ფაქტს ასევე გამოეხმაურა მაესტრო, ნიკოლოზ რაჭველი.
„უმძიმეს ცხოვრებისეულ გამოცდილებას ვიღებთ დღეიდან მუსიკოსები, ვინც ვმეგობრობდით და ვუკრავდით და ვისაც უკიდეგანოდ გვიყვარდა მიშა ჯაფარიძე….
მე ეს ერთხელ გამოვიარე, 2001 წელს ოძელა რომ დავკარგეთ… 20 წელი გავიდა და კიდევ უფრო დიდია გააზრება იმ ტრაგედიის რაც ახლა ჩვენს თავს ხდება… დავკარგეთ უძვირფასესი მეგობარი, თანამოაზრე, ახალი თაობის გამოკვეთილი მუსიკოსი, ძალიან ძალიან ძალიან ახალგაზრდა, ნიჭიერი, არანორმალურად მოწესრიგებული და პროფესიონალი, თან უსაყვარლესი მიშა… ჩვენი საერთო მიშა ჯაფარიძე…
ძალიან ცუდია, მეტი რომ არ შეიძლება… უკიდურესობა… მომიტევეთ, რომ ჩემი უმძიმესი ემოციის გამჟღავნების უფლება მივეცი თავს“,- წერს ნიკოლოზ რაჭველი.
მიშოს გარდაცვალებას ასევე გამოეხმაურა მომღერალი გიორგი სუხიტაშვილიც. მიშო ჯაფარიძე ახალაგაზრდა მუსიკოსი, ჯაზმენი და ბასისტი იყო.
ასევე დაგაინტერესებთ:
