საჭიროა თუ არა ვაქცინაციამდე ანალიზების გაკეთება – ამაზე ალერგოლოგ-იმუნოლოგი ბიძინა კულუმბეგოვი აცხადებს, რომ მსოფლიოს არც ერთ ქვეყანაში მსგავსი პრაქტიკა არ არსებობს.
„მარტივი სიტყვებით რომ ვთქვათ, დედამიწაზე არ არსებობს არავითარი რუტინული კვლევა, რომელიც ადამიანმა უნდა ჩაიტაროს. თუ რამე ფონური დაავადება აქვს ადამიანს, მხოლოდ ამ შემთხვევაში.
ლაბორატორიებმა სარეკლამო ბანერები გამოფინეს, „კოვიდ-19-ის ვაქცინაციის წინ მობრძანდით, ანალიზების პანელს გთავაზობთო“, ეს სრულიად მიუღებელია. ვამდიდრებთ ლაბორატორიებს სრულიად უსაფუძვლოდ. არავითარი რეკომენდაცია მსოფლიოს არც ერთ ქვეყანაში არ არსებობს, რომ ვაქცინაციამდე ანალიზები უნდა გაიკეთოს“, – განაცხადა კულუმბეგოვმა „იმედის“ ეთერში.
