გაერთიანებული ოპოზიცია „ძალა ერთობაშია“ მხარს უჭერს, რომ საქართველოს მომავალი პრემიერ-მინისტრი ქვეყნის ყოფილი პრეზიდენტი მიხეილ სააკაშვილი გახდეს.
დაუჭერენ თუ არა სააკაშვილის კანდიდატურას მხარს სხვა პარტიები?! – როგორც „რესპულიკური პარტიის“ ერთ-ერთმა ლიდერმა დავით ბერძენიშვილმა „პრაიმტაიმთან“ საუბრისას განაცხადა, აღნიშნულ საკითხთან დაკავშირებით პარტია იმსჯელებს და გადაწვეტილებას გაასაჯაროებს.
„ეს არის „ნაცმოძრაობის“ გადაწყვეტილება. „ნაციონალურ მოძრაობასთან“ ჩვენ ვთანამშრომლობთ.
რაც შეეხება იმას, რა იქნება ამდენი თუ-ს მერე, თუ რეალისტური გახდება სააკაშვილის პრემიერ-მინისტრობა, მერე ვიმსჯელებთ პარტიაში.
მე ისე მოვიქცევი, როგორც პარტია იქცევა. მე მესმის, რატომ დაასახელა „ნაციონალურმა მოძრაობამ“ პრემიერ-მინისტრობის კანდიდატად სააკაშვილი, ამითი მოიგო ყველა პარტიამ“,- განაცხადა ბერძენიშვილმა.
ინფორმაციისთვის, გუშინ ცნობილი გახდა, რომ „ნაციონალური მოძრაობა“ პრემიერ-მინისტრობის კანდიდატად საქართველოს ყოფილ პრეზიდენტს, მიხეილ სააკაშვილს წარადგენს. როგორც „ნაციონალური მოძრაობის“ წევრები ამბობენ, სააკაშვილი საქართველოში 2020 წლის საპარლამენტო არჩევნების შემდეგ დაბრუნდება.
