ახალციხეში, სოფელ მინაძესთან, მდინარე მტკვარში განბანვის რიტუალი ჩატარდა. მორწმუნები, წყლის კურთხევის შემდეგ მდინარეში შევიდნენ. მათ სჯერათ, რომ ამით მივიწყებული ცოდვებისგან განიწმინდებიან.
ტრადიციული რიტუალი ახალციხისა და ტაო-კლარჯეთის მიტროპოლიტის ხელმძღვანელობით ტარდება. – 6 გრადუსიან ყინვაში ნაკურთხ მდინარეში 200-მდე ადამიანი შევიდა.
მდინარის კურთხევის ტრადიციას საფუძველი 1997 წელს ჩაეყარა. ამ დღეს საყოველთაო ნათლობისა და განბანვის ტრადიცია ტარდება, მაგრამ წელს პანდემიის გამო, ნათლობები ტაძარში ჩატარდება. ეს გადაწყვეტილება ახალციხისა და ტაო-კლარჯეთის მიტროპოლიტმა მეუფე თეოდორემ ხალხმრავლობის თავიდან აცილებისა და ჯანდაცვის რეგულაციების დაცვის გამო მიიღო.
ავტორი: რუსკა გვარამაძე
