ყოფილი პრემიერ-მინისტრის, გიორგი გახარიას პარტიას „საქართველოსთვის“ 48 დღეში 105 213 ლარი შესწირეს.
სახელმწიფო აუდიტის სამსახურის ოფიციალურ ვებ-გვერდზე გამოქვეყნებული ინფორმაციის თანახმად, 8 მაისიდან 25 ივნისის ჩათვლით პერიოდში გახარიას პარტია დააფინანსა 12-მა ადამიანმა, აქედან არიან პოლიტიკოსებიც.
პარტიას ყველაზე მეტი ოდენობის თანხა პარტიის წევრებმა, ალექსანდრე მოწერელიამ და გიორგი ხოჯევანიშვილმა შესწირეს.
ანა ბუჩუკური — 5 000 ლარი;
გიორგი ხოჯევანიშვილი — 25 000 ლარი;
ალექსანდრე მოწერელია — 25 000 ლარი;
სოფიო მდინარაძე – 1 248 ლარი;
ნიკოლოზ ბარამაშვილი — 24 195 ლარი;
გიორგი ჭანტურია — 8 545 ლარი;
გიორგი გოგუაძე — 5 000 ლარი;
ედიშერ გორგილაძე — 4 000 ლარი;
დავით ფარცვანია — 2 125 ლარი;
ერასტი ელიჯარაშვილი — 2 100 ლარი;
აკაკი გვიანიძე — 1 800 ლარი;
ტატო ედიშერაშვილი — 1 200 ლარი.
ყოფილმა პრემიერ-მინისტრმა თანამდებობა 18 თებერვალს დატოვა. ამის მიზეზად „ნაციონალური მოძრაობის“ თავმჯდომარის ნიკა მელიას დაკავების თაობაზე თანაგუნდელებთან არსებული უთანხმოება დაასახელა.
29 მაისს „ექსპო ჯორჯიაში” გიორგი გახარიას პარტიის დამფუძნებელი ყრილობა გაიმართა.
