მარინა ეზუგბაიას განცხადებით, კორონავირუსით ინფიცირებული სამი ახალი პაციენტიდან ორი მათ ცენტრში იმყოფება.
მისივე თქმით, მათი ისტორია ინგლისის კლასტერს უკავშირდება.
„დღეს დილით იყო 97, დაემატა სამი პაციენტი, დღეს საღამოს მონაცემებით გვაქვს 100 დადასტურებული შემთხვევა. დამატებული სამი პაციენტიდან ორი ჩვენთან არის დადასტურებული. ეს არის ინგლისის კლასტერიდან, ინგლისის წყაროდან, იმ ჯგუფიდან კიდევ ორი, ანუ ამათი წყარო ცნობილია. მესამე პაციენტის შესახებ მონაცემები არ მაქვს, ვერ მოგახსენებთ“ ,- განაცხადა ეზუგბაიამ.
შეგახსენებთ, რომ რამდენიმე საათის წინ ქვეყანაში საყოველთაო კარანტინი გამოცხადდა.
პრემიერმა 3 კაცზე მეტი ადამიანისგან შემდგარი თავყრილობა აკრძალა.
70 წელს გადაცილებულ მოხუცებს სახლიდან გასვლა აეკრძალათ.
ცხადდება კომენდანტის საათი, რომელიც 21 საათიდან დილის 6 საათამდე მოქმედებს.
