ბათუმში კორონავირუსი ორსულს დაუდასტურდა. ის ამ წუთებში თბილისში გადმოჰყავთ.
როგორც „პრაიმტაიმის“ ჟურნალისტი აჭარიდან იუწყება, ორსული საკონდიტრო „დონას“ერთ-ერთი მეპატრონის ცოლია. მან ხვალ უნდა იმშობიაროს.
აჭარის ჯანდაცვის მინისტრის მოადგილემ, ნინო ნიჟარაძემ განაცხადა, რომ ორსული თბილისში შესაბამის კლინიკაში განთავსდება.
ცნობისთვის, 16 აპრილის შემდეგ საქართველოში კორონავირუსის რეკორდული მაჩვენებელი დაფიქსირდა. ინფიცირებულთა რაოდენობა 38-ით გაიზარდა. აქედან 22 დადასტურებული შემთხვევა ბათუმს უკავშირდება.
ავტორი: ნაირა ქობულაძე
