დედოფლისწყაროს მუნიციპალიტეტის სოფელ საბათლოსთან, მდინარე ალაზანში, მაშველებმა მამაკაცის ცხედარი იპოვეს.
59 წლის, გიორგი ანთაური, რომელიც მდინარეში სათევზაოდ გუშინ შევიდა, ალაზნის ნაპირებზე მდებარე ფერმაში მუშაობდა.
წინასწარი ინფორმაციით, ის ნასვამ მდგომარეობაში იმყოფებოდა.
საძიებო სამუშაოებში ჩართული იყო როგორც კახეთის სამაშველო ჯგუფები, ასევე თბილისის სწრაფი რეაგირების განყოფილების მყვინთავები.
ავტორი: ხათუნა გულიაშვილი
