ღამის ცვლაში მუშაობაზე შესაძლოა, გაორმაგებული საათობრივი ანაზღაურება დაწესდეს – მალე ამ გადაწყვეტილებას საქართველოს პარლამენტი კენჭს უყრის. საშემოდგომო სესიებზე სხვა კანონპროექტებთან ერთად, მოქალაქე მაკა მინდიაშვილის მიერ მომზადებულ პროექტს განიხილავს.

მან პარლამენტს საკანონმდებლო წინადადებით მიმართა, რომლის მიხედვითაც ღამის ცვლაში მუშაობაზე შესაძლოა, გაორმაგებული საათობრივი ანაზღაურება დაწესდეს.

საკანონმდებლო წინადადების ავტორის შეფასებით, საჭიროა შრომის კოდექსში ყველა სიტყვა ნათლად იყოს გაწერილი, რადგან დამსაქმებელს სიტყვებით მანიპულირების საშუალება არ მიეცეს.

მათ შორის, საკანონმდებლო წინადადება გულისხმობს, რომ თუ დღის განმავლობაში დასაქმებულს ანაზღაურების სახით აქვს პირობითად 5 ლარი, ღამის ცვლაში – 22:00 სთ-დან 06:00სთ-მდე მუშაობის შემთხვევაში დამსაქმებელმა მას 10 ლარი უნდა გადაუხადოს. ხოლო დილის 06:00 სთ-დან დილის 08:00 სთ-მდე პერიოდში მუშაობისთვის დღის პერიოდში არსებულ საათობრივ ანაზღაურებას დამატებული ზეგანაკვეთური 1,5-ჯერ მეტი.

მოქალაქის საკანონმდებლო წინადადების განხილვა ჯანმრთელობის დაცვისა და სოციალურ საკითხთა კომიტეტს დაევალა, გადაწყვეტილება კი კომიტეტმა პარლამენტის ბიუროს უნდა აცნობოს.

ასევე დაგაინტერესებთ: 

• რა ხდება მას შემდეგ, რაც თქვენს ორგანიზმში ვაქცინა შედის?

• „დავიღალე და გაძლებაზე ვარ“ – რა ინფორმაციას ავრცელებს ლევან რატიანი

• ვრცელდება ვიდეო, როგორ გადასცემს გახარიას გუნდის წევრი ზაზა სარალიძეს კონვერტს – ნახეთ, რას ამბობს ამ ფაქტზე თავად სარალიძე

• სქემა გაშიფრულია – ვინ და როგორ აყალბებდა კოვიდ პასპორტებს

• ერს ვერ გაამრავლებენ, სპერმის ხარისხი დავარდება!.. – გიორგი ფხაკაძე მამაკაცებში ვაქცინაციის მნიშვნელობაზე